زعلت رغد من رائد ودخلت غرفتها ورمت نفسها في السرير
وأخذت جوالها وقعدت تقول في نفسها : اتصل ، لا لو اتصلت راح اسمع كلمتين منها ! اقول راح أدق واللي يصير يصير !!!
رغد : الووو
ديما : خير
رغد ( بخوف ) : ديما كيفك ؟
ديما ( بسخرية ) : رغد ايش عندك ؟ عندك شئ تقوليه
رغد : ديما أنتي ليش أسلوبك كده معايا؟
ديما : هذا أسلوبي عجبك ولا لأ؟
رغد (تحاول تغير الموضوع) :ديما لاتنسي ,تكوني عندي في العصرية.
ديما(بسخرية) :عشم إبليس في الجنة.
رغد (ماقدرت تستحمل أسلوب ديما) : ديما ترى كل مافي الموضوع إني قلت لداليا تعالي عندي البيت ولا تنسي أختك تجريها بس أنتي سبقتني في الكلام ,واضفلك معلومة صغيره لمى جايه بدون كرت دعوه على قولتك، وحضرتك تستني احد يعزمك ديما نحن بنات خالات وأكثر من اخواااات.
ديما :ـــــــــــــــــ ساكته
رغد:ليش ساكتة
ديما:لا ولا شئ بس أتمنى متنامي في العصر
رغد(بارتياح):اوكي يالله باي
ديما:باي
رغد قفلت وحمدت ربها انه ديما أتفهمت مسكت جوالها وشافت الساعة (1) قالت خليني أروح أصلي الظهر وبعدين اخذ قيلولة.
*****************************
أما ديما رجعت لسريرها بطفش وقررت تتصل بصاحبتها بيان , وبتململ
دقت علي رقمها , وانتظرت الجواب الي ما اخذ ثواني
بيان : هااااااااي ديوم
ديما بتملل : هاي بيان
بيان (عادي ما استغربت أسلوب ديما البارد لأنها تعودت عليه) : هاه ديوم كيف التجهيزات للسفر بكره
ديما : أف لا تذكريني بسفر علي شان ما انجن
بيان : سلامتك من الجنون ليش ايش صار ؟؟
ديما : ايش راح يصير يعني ؟؟ انا عندي هم غير الخادمه حليمة
بيان:تقصدي المربية؟؟؟
ديما:مربيه ايش؟؟؟ حرام عليها كلمه مربيه
بيان (بتحمس مصطنع ): ليش ايش سوت بعد ؟
ديما : تخيلي راح تسافر معانا بكره بحجابها بس كذا, تخيلي لو تشوفي ملابسها ياااااي بيان مررررر مني عارفه من وين مشتريتها لا وكمان سليطة ولسانها طووووووويل ؟؟ ماني عارفه كيف استمتع في تونس معاها, بصراحه ماودي تجي معانا
بيان : ديوم ياعمري لا تكبري الموضوع ليش متكلمي ابوكي وتقولي عن حليمة
ديما : يووه بيان تحسبيني ماسويتها ,, سويتها من 3 ايام بس بابا منو موافق بصراحه احترت ماني عارفه ايش اسوي
بيان : طيب حبيبتي عادي عندي حل انك تنطشيها وصدقني راح تنقهر
ديما (بكل فخر) :أتمني يكون كلامك صح
بيان : ياشيخه مافيه احد راح ياخذ باله , انتي بس نامي ولا تفكري بشي علي شان في الليل تكوني حلوه اوكي
ديما : وانتي تعالي ماقلتي لي ايش سويتي لحفلتنا ؟؟ جاهزه ؟؟
بيان : أكيد جاهزه من بعد الفستان الي اشتريتيه لي وانا جاهزه , تعرفي ماما منجنه عليه , وتسألني عن فستانك الي راح تلبسيه بكره , قلت لها ما ادري لانها مخليتيه مفاجاءه لنا كلنا , قالت اذا هي شاريه لك االفستان الي يجنن اجل فستانها ايش راح يطلع ؟؟
ديما : هههههههههههههههه مفاجاءه
بيان (بدلع مصطنع): يله عاد ديوم قولي لي بس ايش لونه , طيب ايش ماركته , اممم طويل والا قصير
ديما: هههههههه لا تحلمي اني اقول لك
بيان : طيب أف منك
ديما : هههههه اقول بيان كلمتي البنات عرفتي مين راح يعزموا بليز انا ما ابي ناس عاديه بحفلتي ابي ناس كوول
بيان (في نفسها مقهورة من ديما لانها تسمي حفلتهم حفلتها كل هذا علي شانها هي الي دفعت الفلوس خلاص ماتسوى ذلتهم)
ديما : ياااهووووووووووه بيان وينك
بيان : هاه معاك معاك , ايه حبيبتي كلمتهم كلهم والوضع اوووكي
ديما : اوكي حبيبتي انا راح انام تبي شي ؟؟
بيان : سلامتك
ديما : الله يسلمك باي
بيان : باي
قفلت الموبايل كله علي شان ماتبي ازعاج , وقفلت بيان جوالها بس سمعت صوت طق على الباب
بيان : مين ؟
أم بيان : انا حبيبتي
بيان : تعالي ماما
دخلت أم بيان تبتسم لبنتها : هاه حبيبتي مانمتي ؟؟
بيان : لا لسى يا ماما , توني قفلت من ديما
أم بيان : وكيفها ؟؟
بيان (برطمت) : تمام
أم بيان تبتسم لبنتها : وليش تقوليها وانتي ماده بوزك ؟؟
بيان : ماما صراحة ديما مصختها , اف ذلتنا علي الحفله ما صارت
أم بيان : ليش حبيبتي ايش قالت لك؟
بيان : تتكلم عن الحفلة ولا كأنها لنا كلنا , كأنها لها لوحدتها تتحكم بكل شي , بلبسنا وطريقه ماكياجنا ومشيتنا وزيادة على كل هذا ماتسميها إلا حفلتي وحفلتي وكأننا ضيوف عندها
أم بيان : معليش حبيبتي لا تنسي انها هي الي دافعه كل شي , وغير كذا انتي عارفه طبع صاحبتك , ديما تحب تكون القائدة بكل شي وشخصيتها قياديه , وتحب يكون كل شي مرتب ودقيق
بيان : بس يا ماما كلنا نبي ندفع هي الي ما رضت , مو معنى هذا انها تذلنا
أم بيان : ذلتك علي شان قالت لك حفلتي , لا تصيري حساسة , وسمي بالرحمن ونامي شوية علشان تصحي ساعه 7 بعد مغرب ابغا بنتي اليوم تصير احلا من في الحفلة
بيان (رجعت تبرطم
تصدقي يا ماما لما قلت لديما انها راح تكون احلا من في الحفلة مافكرت تشكرني تعرفي ايش قالت ؟
أم بيان( تبتسم لبنتها وتفكيره) : ايش قالت ؟
بيان : قالت عارفه
أم بيان : ههههههههههههههه , يحق لها بنت حلوه وماتبيها تصير نجمه الحفلة ؟؟
بيان : يؤ ياماما وانا وين رحت والا المثل الي يقول القرد في عين أمه غزال صار مغشوش
أم بيان : هههههههههههه ,, لا انتي في عيوني أحلى من مليون ديما , وبعدين يكفي تواضعك وطيبتك وهذا الي راح يخليك احلي منها
بيان( ابتسمت لامها وحبت علي راسها) : تسلمي لي يا احلي أم بادنيا
ام بيان : يله حبيبتي ايش رأيك تنامي ؟؟
بيان : انشالله ماما وانتي بعد نامي علي شان اليوم ابيك تصيري أحلى من امها
أم بيان باستغراب : أم مين ؟؟
بيان بملل : يوووه يا ماما أم ديما
أم بيان : هههههه انشالله
بعد ساعه ديما دقت على بيان واعتذرت انها ماتجي الحفلة علشان بتسهر مع بنات خالاتها
بيان رمت جوال في الأرض بالقوة حتي الجوال انكسر من شده الضرب:من جد وقحة وقليله اصل
( في العصر الساعة 5 )
قامت رغد من النوم وشافت الساعة 5 قامت على طوول تصلي العصر علشان تستنا بنات خالاتها
فتحت دولاب ملابسها و لبست بنطلون حق البيت وبلوزه ارجوانيه مخططه ورفعت شعرها علي فوق
وحطت ميك اب خفيف ونزلت الصاله شافت امه وابوها جالسين يشربو القهوه ويتونسو
رغد بمرح:اقول سلام عليكم ولا هااااااااي
ابو رائد:لا قولي مرحبا
رغد (تجلس جنب ابوها):طيب هلا ومرحبا يااغلي اب
احلام:رغد متى جاين بنات خالاتك
رغد(تطالع في ساعه):والله بعد شوي بس خليني ادخل المطبخ اسوي حلا قبل لا يسرقني الوقت
ابو رائد:اوكي ونا بطلع فوق علشان بناااااام
احلام:مانبغا نصحيك
ابو رائد:لا لا
رغد:اوكي عن اذنكم
وتروح رغد المطبخ وتفكر منها عارفه ايش بتسوي في نهايه قررت تسوي حلا بتوفي وعصير كوتيل
****************************
لمى تدخل غرفه داليا مدت يدها للمنبه وصكرته وشدت البطانيه
لمى: تدري ؟؟ اننا اتاخرنا على رغد
داليا(وهيا تقوم من سريرها):طيب خليها تستنا كمان على فكره مين معاكي؟؟؟؟؟؟؟
لمى : هذي حلا بنت جارتنا
داليا : ليش جبتيها معاكي
لمى : حبيت اعرفها عليكم
( حلا بنوته صغيره عمرها سنه مرررره لزوزه و كتكوته )
داليا في نص ساعه تخلص نفسها وتروح غرفه ديما ولمى تستنا في صاله مع حلا
داليا : ديووووووووووووووووم
ديما
تفتح عينها بالقوة):نعم
داليا :قومي لمي في صالة تستننا
ديما : قايمة,, وجع صوتك كأنه 60 رجال مع بعض
داليا : هههههههههههههههههههه
دخلت لمى عليهم بالعباية
لمى : سلاااااااااااااااااااام
داليا : هلا لمو
لمى : انتي للحين نايمة
داليا : زي منتي شايفة ؟
ديما (تغطي وجها بالبطانية) : اقول لمى ليش ماتشيلي داليا معاكي وتقلبوا وجهكم ؟
لمى : اقووووول قومي
داليا (تغمز لي لمى): انا اوريكي فيها
راحت داليا جابت حلا وجلستها جنب ديما وشدت البطانية
( قامت حلا تلعب في شعر ديما )
ديما : لالالالالالالالا
داليا : هي هي هي هي
لمى : داليا والله انك خطيرة
ديما : لا خطيرة ولا خريطة اقول اقلبوا وجهكم لا اسوي فيكم شئ ما يعجبكم
لمى ( وهي بتشيل حلا ) : اقول ديما بطلي هبالة وقومي البسي بنروح عند رغد
ديما (تجلس في سرير): ماني رايحة
داليا : بتروحي غصبا عليكي تبغي ولا ماتبغي ولا أجيب حلا تاني
ديما : خلاص خلاص قايمة
قامت ديما راحت الحمام وداليا ولمى يضحكوا عليها
لبست ديما بنطلون جينز وبلوزه ليموني وظفرت شعرها من تحت وأخذت العبايه وطلعت مع وداليا ولمي لبيت رغد ولمن وصلوا لبيت رغد فتحت الخادمه الباب
داليا : هلا إيماس فين رغد
الخادمه : في غرفة
طلعت داليا لرغد في الغرفة وديما ولمى استنوها تحت في الصاله
داليا دقت الباب
رغد : ادخلي إيماس
داليا ( فكت الباب ) : مني إيماس
رغد : هلا داليا حبيبتي متي وصلتوا ؟؟
داليا : دوبنا وصلنا
رغد : فين ديما ولمى
داليا : تحت يستنوكي ؟
رغد : اهااا طيب خلينا ننزل
( نزلت داليا و رغد للبنات تحت )
رغد : هلا لمي هلا ديما ,, مين الحلوه اللي معاكم ؟؟؟؟؟
لمى : هذي حلا ماعرفتيها ؟؟؟؟؟
رغد : اها حلا ما شاء الله كبرت << ( قامت رغد تضم حلا وتبوسها )
( تدخل ام رغد واسمها(احلام) عند البنات )
احلا : هلا والله يامقاطعات ولا تعرفوا خالتكم
لمى :لا لا تعرفي خاله كيف الاختبارات كانت معانا
احلام : اختبارات؟؟؟؟؟اقووووول دحين اجازة من فتح سيره الاختبارات
البنات :هههههههههههههههههههه
لمى (انحرجت)
ديما :معليش خالتي بس كنا مشغولين بأغراض السفر ولا أنتي في عيننا ورأسنا ومن حقك تعاتبينا
واكرر اسفي واعتذاري معليش واتمني مانقصر معاكي مره تانيه
داليا ولمى : حنا كمان اسفين
(يدخل رائد ويقاطعهم )
رائد : Hi girls
داليا : بوجهك تتكلم انجليزي ، هو انت عارف كلمتين تنطقها
احلام : ههههههههه حرام عليكي والله شاطر في الانجليزي
رائد (يقهر داليا) : عا الأقل احسن منك
ويلتفت في ديما ويأشر عليها ويقول :هذي عايشه؟
ديما (مالها خلق مع رائد وسخافته):وليش يعني؟؟
رائد :يعني,مالك حس زي الباقيات الصالحات ههههههههههههه
ديما تطالع بستحقار
رائد (يغمز لرغد) :عسى الأخت طرما؟؟؟؟
ديما مسكت اعصابها عشان في خالتها
لمى(تلفت انتباههم) :اقووول اشرايكم نتمشي في الحديقة,خالتي تجي معنا ؟
داليا :لا ايش حديقه دحين,, ترى عندي شريط مرعب اشرايكم نتفرج ؟
لمى : طيب بس أخلي حلا مع ايماس علشان تنتبه لها
رائد(يوجه كلامه لديما) :وأنتي ماراح تشاركيهم في الكلام
ديمـا مازلت ماسكه اعصابها
رائد ( يأشر على حلا ) : هذا وجه جديد
لمى : هههههههههه هذي عيوني
رائد : خلاص ليش ما تخلي حلا معايا
لمى : طيب << معاك ح أطمن عليها اكثر
داليا(مسكت يد ديما وقالت) : يالله ندخل الصاله
رغد ولمي راحو الصاله علشان يشغلو الفيلم اما ديما واقفه تصلح بلوزتها وقبل لاتتحرك
سمعت احد بيقول أغنيه كاظم ساهر:
قولي احبك
كي تزيد وسامتي
فبغير حبك لا أكون جميلا
قولي احبك كي تصير أصابعي
ذهب و تصبح جبهتي قنديلا
ألان قوليها ولا تترددي بعض الهوى
لا يقبل التأجيلا
سأغير التقويم لو أحببتني
أمحو فصول أو أضيف فصولا
وسينتهي العصر القديم على يدي
وأقيم عاصمة النساء بديلا
ديما تلتفت لمصدر الصوت وتتفاجأ إنه رائد واقف جنب الباب البيت وجالس يطالع في وجهها
ويبتسم...................................
(ديما بينها وبين نفسها):هذا مجنون ولا في شئ بعقله؟؟.
داليا طلعت من الصاله علشان تنادي ديما
داليا( تصرخ وتحط يدها على فمها ) :الحقي ياماما شوفي الرومنسيه و الحلاوة.
(رائد يطالع في ديما و واقف يوزعلها ابتسامات وديما تطالع في وجه رائد)
داليا (بصوت عالي ) :يا ناس ايش هذي الرومنسيه
ديما تتحرج وتدخل الغرفة
رائد:نعم؟؟؟؟؟؟
داليا (تتمصخر) :لا سلامتك ما في بس شكلنا قطعنا رومنسيتكم اسفيييييييين
(رائد مايرد ويطلع من البيت وياخذ حلا معاه )
داليا : ما كنت ادري انه اختي رومنسيه
المهم داليا دخلت الصاله وشافت البنات متحمسين للفلم راحت عند رغد ولمى وحكتهم سالفة ديما ورائد البنات اتفقو يسو مقلب مع ديما ورائد
كان فيلم Resident evil رعب مشوق يشد الأعصاب من بدايته الي نهايته , من كثر ماهم
خاشين جو صرخوا صرخة وحده لما دق موبايل رغد
لمى: عمى بعينك خوفتينا بموبايلك
رغد : أنا كمان خفت ايش فيكي
ضحكت ديما وقالت : حلوه دعوتك يا لمى عمى بعينك اجل وين يجي العمى بخشمها مثلا؟
داليا: هاهاهاها بايخه
طالعت رغد الرقم شافته رقم اخوها رائد , على طول طالعت في لمى وداليا على شان يفهموا إن رائد برا, لمى فهمتها بس داليا ماتدري ايش القوه الي تخلي ديما تطلع تفتح الباب ؟؟؟
التفتت رغد للبنات وقالت : بنات انا مسويه لكم سوربرايز
ديما(منها فاهمه شئ) : مو فاضين لمفاجاءتك احنا , خلينا بس نتابع الفلم
رغد : بنات انا طالبه لكم بيتزا ,,ديوم ايش رأيك تجي معاي نفتح
ديما التفتت عليها : نفتح لمين ؟؟
رغد : نفتح للي جاب البيتزا
ديما: روحي انتي انا مو فاضيه لك جالسه أطالع الفيلم
رغد : ديما بليز انا خاف افتح لحالي أخاف يخطفني , بس انتي قويه يعني عادي راح يخاف منك
جاوبت داليا : قوية!!! ليش تشرب بور هاوس
رغد (ارتفع ضغطها من داليا) : يالله ديما بليز
ديما : اف تعالي يالخوافه
طلعت قبلها وراحت ناحية الباب وقبل تفتح قالت لي رغد : ليش واقفه بعيد
رغد : هاه لا عادي بس أخاف يسوي شي , خليه يبدأ فيك أنتي أول
ديما : هذا كبرك وتخافي صدق بزره
لمى وداليا كانه متفقين مع رغد انها تكلم رائد وتقول له يوقف عند الباب لان معاها أغراض كثيرة ماتقدر تشيلها لوحدها
فتحت ديما الباب بسرعه وهي تقول : How much بكم ؟؟
التقت عينها بعيون رائد وحست إن خدودها احترقت وصار لونها احمر من الفشيله , حاطه ميك اب ولابسه بنطلون ضيق وبلوزه ليموني ,رغد واقفة تشوف اي شي يصير
اما رائد فهو صار يتأمل ديما البنت حلوه ونعومه , كان وده يقول لها ايش كثر شكلها صار حلو بدون العبايه بس لسانه انشل وعجز عن الكلام , وكانت نظراته هي الي تعبر عن ما فيه
اما ديما تداركت الوضع وقالت : سوري أحسبك احد ثاني , الحين راح أنادي لك رغد
قبل تبعد مسكها مع يدها ووقفها , ارتبكت من هالحركه الي سواها , لمسته لها حركت فيها مشاعر انثويه
, سحبت يدها بحياء منه وقبل تتركه قال لها : ماني قادر اصدق انك ديما
طالعته بديما وقالت : لا تصدق
نظراته , حبت إعجابه فيها ,,,البنات كانه يتوقعوا إنها تدخل عليهم مثل الإعصار وتعصب لانهم سوو فيها هالمقلب , ولكنهم تفاجاء لما دخلت وهي مستحيه وخدودها متوردة وقالت بحياء : رغد رائد برا يستناك
خافت رغد انه يكون الهدوء الذي يسبق العاصفة , فطلعت بسرعه قبل تنفجر عليها , وكانها كل البنات ساكتين ينتظروا تهزئيه محترمه من ديما , واستغربوا لما شافوها ساكتة ورايحه في احلام , رجعت لهم رغد وهي تطالع ديما
رغد : ديما ايش سويتي لرائد
ديما (ببرائه ): ماسويت شي ؟؟
البنات توقعو إنها قتلته لأنها جت هاديه معناها ان الولد أنقتل
رغد : مو راضي يتحرك صابه شلل , ولما اسأله ايش فيك يقول عطيني كف على شان اعرف اذا انا احلم والا لا ؟؟ ديما بليز تعالي اسحبيه معاي
البنات راحت عيونهم على ديما وهم مذهولين ايش راح يكون ردها , ابتسمت وقامت مع رغد , أول ماوصلو الباب كان رائد واقف مكانه , قربت منه ديما وقالت باستهزاء : أختك تقول انك مو راضي تتحرك تبي أجيب لك كرسي متحرك
رائد وعينه عليها : لا ابي صورتك الحين والا مراح أتحرك لا بكرسي متحرك ولا حتى بشاحنه
زاد حرج ديما وحست إنها غبية حطت نفسها في موقف محرج , لو ماطلعت افضل لها , التفتت على البنات لقتهم كلهم متجمعين ينتظروا ردة فعلها , فقررت ترجع لطبعها وطبيعتها الأولى لان الانهثه ابد مولايقه عليها على قولتها : اسمع يا رائد اذا ماتبي تتحرك مشكلتك , بس لو سمحت بعد عن الباب شوي
على شان اقدر أسكره وإلا راح يجيك كف عمرك ماشفته
سمعت داليا تصفق وتقول : ايه عطيه كف على خده